தமிழகத்தை சேர்ந்த பத்துக்கும் மேற்பட்ட ஐ.ஏ.எஸ் அதிகாரிகள் நேற்று இடமாற்றம் செய்ய அறிவிப்பு வெளிவந்த நிலையில், தமிழகத்தைச் சேர்ந்த 15 ஐ.ஏ.எஸ். அதிகாரிகள் தலைமைச் செயலாளர் இணையான பதவி உயர்வு பெற்றுள்ளதாக அறிவிக்கப்பட்டுள்ளது.
இதுகுறித்து, தலைமைச் செயலாளர் கே.ஞானதேசிகன் நேற்று வெளியிட்ட உத்தரவு ஒன்றில் கூறியிருப்பதாவது, “கடந்த 1983-ஆம் ஆண்டு முதல் 1985-ஆம் ஆண்டு வரை தமிழகப் பிரிவில் ஐ.ஏ.எஸ். பணியில் இணைந்த 15 பேருக்கு தலைமைச் செயலாளர் அந்தஸ்து வழங்கப்படுகிறது.
அதன்படி, மத்திய அரசுப் பணியில் உள்ள அம்பூஜ் ஷர்மா, பிரிஜ் கிஷோர் பிரசாத் ஆகியோரும், பொதுப்பணித் துறை செயலாளர் என்.எஸ்.பழனியப்பன், மத்திய அரசுப் பணியில் உள்ள ஆர்.ராஜகோபால், டி.ஜேக்கப், வி.கே.ஜெயக்கொடி, மீனாட்சி ராஜகோபால், ஸ்மிதா நாகராஜ், புரூல், ராஜீவ் ரஞ்சன், கே.சண்முகம், சி.சந்திரமௌலி, பி.ராமமோகனராவ், மோகன் பியாரே, ஜக்மோகன்சிங் ராஜூ ஆகிய 15 அதிகாரிகளுக்கு தலைமைச் செயலாளர் அந்தஸ்து அளிக்கப்பட்டுள்ளது.
இவ்வாறு அந்த செய்திக்குறிப்பில் தெரிவிக்கப்பட்டுள்ளது.
English Summary: 15 IAS Officers Promotion in Tamilnadu.