கோடை விடுமுறையில் ரயில் பயணிகளின் கூட்ட நெரிசலை தவிர்க்க அவ்வப்போது சிறப்பு ரயில்களை இயக்கி வரும் தெற்கு ரயில்வே தற்போது சென்னையில் இருந்து கோவைக்கு இரண்டு சிறப்பு ரயிலை இயக்கவுள்ளதாக அறிவித்துள்ளது.
ரயில் எண் 06032 என்ற எண் கொண்ட சிறப்பு ரயில் வரும் ஜூன் 5-ஆம் தேதி சென்னை சென்ட்ரல் ரயில் நிலையத்தில் இருந்து இரவு 10.30 மணிக்குப் கிளம்பி மறுநாள் காலை 6.40 மணிக்கு கோவை சென்றடையும்.
அதேபோல் ரயில் எண் 06033 என்ற எண் கொண்ட சிறப்பு ரயில் ஜூன் 7-ஆம் தேதி கோவையில் இருந்து இரவு 11.30 மணிக்குப் புறப்பட்டு மறுநாள் காலை 7.15 மணிக்கு சென்னை சென்ட்ரல் வந்தடையும்.
இந்த சிறப்பு ரயில் பெரம்பூர், அரக்கோணம், காட்பாடி, ஜோலார்பேட்டை, சேலம், ஈரோடு, திருப்பூர் ஆகிய ரயில் நிலையங்களில் நின்று செல்லும். பயணிகள் இந்த சிறப்பு ரயிலை பயன்படுத்தி கொள்ளுமாறு தெற்கு ரயில்வே அறிவித்துள்ளது.
English Summary : Southern Railway announced 2 special trains from Chennai-Coimbatore to avoid extra rush in trains because of summer holidays.