கடந்த வாரம் அதர்வா நடித்த ‘ஈட்டி’ பெரும் வரவேற்புடன் ஓடிக்கொண்டிருக்கின்றது. இந்நிலையில் வரும் வாரம் தனுஷின் ‘தங்கமகன்’ திரைப்படமும் ஷாருக்கானின் ‘தில்வாலே’ திரைப்படமும் பிரமாண்டமாக ரிலீஸ் ஆகவுள்ளது. இரண்டு படங்களுக்குமே நல்ல எதிர்பார்ப்பு உள்ளது என்பது குறிப்பிடத்தக்கது.
இந்நிலையில் அடுத்த வாரம் அதாவது டிசம்பர் 24ஆம் தேதி கிறிஸ்துமஸ் விடுமுறையை முன்னிட்டு நான்கு முக்கிய படங்கள் ரிலீஸ் ஆகவுள்ளதாக அறிவிப்புகள் வெளிவந்துள்ளது.
1. பசங்க 2: சூர்யா, அமலாபால் சிறப்பு தோற்றத்தில் நடித்த இந்த படத்தின் முக்கிய கேரக்டர்களில் பிந்துமாதவியும், குழந்தை நட்சத்திரங்களும் நடித்துள்ளனர். பாண்டியராஜ் இயக்கியுள்ள இந்த படத்தை சூர்யாவின் 2D எண்டர்டெயின்மெண்ட் நிறுவனம் தயாரித்துள்ளது.
2. அஞ்சல: தங்கம் சரவணன் இயக்கியுள்ள இந்த படத்தில் விமல், அஞ்சலி உள்பட பலர் நடித்துள்ளனர்.பிரபல ஸ்டண்ட் மாஸ்டர் திலீப் சுப்பராயன் தயாரித்துள்ள இந்த படத்திற்கும் நல்ல எதிர்பார்ப்பு உள்ளது என்பது குறிப்பிடத்தக்கது
3. வில் அம்பு: தனுஷ் நடித்த பொல்லாதவன், ஆடுகளம் ஆகிய வெற்றிப் படங்களை இயக்கிய வெற்றிமாறனின் 3வது படம். ஏற்கனவே பல சர்வதேச திரைப்பட விழாவில் பங்கு பெற்று விருதுகளை குவித்துள்ளதால் இந்த படத்திற்கு பெரிய எதிர்பார்ப்பு ஏற்பட்டுள்ளது.
4. பூலோகம்: ஜெயம் ரவி, த்ரிஷா நடித்த இந்த படம் பல மாதங்களாக சில பிரச்சனைகள் காரணமாக கிடப்பில் இருந்த படம். தற்போது ஒருவழியாக தடைகளை தாண்டி வெளிவருகின்றது. ‘தனி ஒருவன்’ சூப்பர் ஹிட் வெற்றிக்கு பின்னர் வரும் ஜெயம் ரவி படம் என்பதால் எதிர்பார்ப்பை ஏற்படுத்தியுள்ள படம் என்பது குறிப்பிடத்தக்கது.
English summary-4 new Movies wil be release on christmas holidays