இடைநிலை ஆசிரியர் பயிற்சியில் சேர விரும்பும் மாணவ, மாணவிகளுக்கு ஏற்கனவே முதல் கட்ட கலந்தாய்வு நடைபெற்று முடிந்துள்ள நிலையில் 2வது கட்ட கலந்தாய்வு வரும் ஆகஸ்ட் மாதம் 8ஆம் தேதி நடத்தப்படும் என்று மாநில கல்வியியல் ஆராய்ச்சி மற்றும் பயிற்சி நிறுவன இயக்குனர் வி.சி.ராமேஸ்வர முருகன் தெரிவித்துள்ளார்.
12ஆம் வகுப்பு தேர்வில் தேர்ச்சி பெறாதவர்கள் மற்றும் தனித்தேர்வர்கள் எழுதிய சிறப்பு துணைத்தேர்வின் முடிவு நேற்று வெளியிடப்பட்டது. இந்த தேர்வில் வெற்றி பெற்ற மாணவர்களுக்கும் இடைநிலை ஆசிரியர் பயிற்சியில் சேரும் வகையில் வாய்ப்பு அளிக்க வேண்டும் என்ற நோக்கத்தில் இந்த 2-வது கட்டமாக கலந்தாய்வு ஆகஸ்டு மாதம் 8-ந் தேதி நடத்தப்படவுள்ளதாக அறிவிக்கப்பட்டுள்ளது.
இந்த கலந்தாய்வில் கலந்துகொள்ள ஜூலை 25ஆம் தேதி முதல் ஆகஸ்டு 1ஆம் தேதி வரை மாவட்ட ஆசிரியர் பயிற்சி நிறுவனங்களில் விண்ணப்பங்களை பெற்றுக்கொள்ளலாம் என்றும் பூர்த்தி செய்யப்பட்ட விண்ணப்ப படிவங்களை ஆகஸ்ட் 1ஆம் தேதிக்குள் விண்ணப்பத்தை பெற்ற நிறுவனத்திலேயே ஒப்படைக்கவேண்டும் என்றும் மாநில கல்வியியல் ஆராய்ச்சி மற்றும் பயிற்சி நிறுவன இயக்குனர் வி.சி.ராமேஸ்வர முருகன் தெரிவித்துள்ளார்.
English Summary: Announced 2nd phase counseling on secondary teacher training