தனுஷ் நடித்த ‘மாரி’ படம் சமீபத்தில் ரிலீஸானபோது, அதில் இடம் பெற்றிருந்த ‘தரலோக்கல்’ பாடல் சூப்பர் ஹிட் ஆகியது என்பது அனைவரும் அறிந்ததே. அனிருத் இசையில் தனுஷ் மற்றும் அனிருத் பாடியிருந்த அந்த பாடல் பட்டிதொட்டி எங்கும் புகழ் பெற்றது. இந்நிலையில் வெறும் தரலோக்கல் பாடலே சூப்பர் ஹிட் ஆகியுள்ள நிலையில் விஜய் நடித்து வரும் ‘விஜய் 59’ படத்தில் ‘உலக தரலோக்கல்’ பாடல் ஒன்று உதயமாகி வருவதாக செய்திகள் வெளிவந்துள்ளது.
‘விஜய் 59’ படத்திற்கு இசையமைத்து கொண்டிருக்கும் ஜி.வி.பிரகாஷ் இந்த ‘உலக தரலோக்கல்’ பாடலை உருவாக்கி வருவதாகவும், கானா மற்றும் குத்து பாடலாக அமையவுள்ள இந்த பாடலை விஜய்யே பாடுவார் என்றும் ஜி.வி.பிரகாஷ் தரப்பில் இருந்து செய்திகள் வெளிவந்துள்ளது.
சாதாரணமாகவே தரலோக்கல் பாடல் கண்டிப்பாக ஹிட்டாகிவிடு நிலையில் இந்த பாடலை விஜய் பாடினால் எந்த அளவுக்கு ஹிட் ஆகும் என்பதை அனைவரும் புரிந்து கொள்ளலாம். விஜய் ரசிகர்கள் டுவிட்டரில் இப்பொழுதே #UlagaTharaLocal என்ற ஹேஷ்டேக்கை உருவாக்கி இந்த பாடல் குறித்து தங்கள் கருத்துக்களை தெரிவித்து வருகின்ரனர்.
விஜய், சமந்தா, இயக்குனர் மகேந்திரன், ராதிகா சரத்குமார், கே.எஸ்.ரவிகுமார் உள்பட பலர் நடித்து வரும் இந்த படத்தை கலைப்புலி எஸ்.தாணு பிரமாண்டமாக தயாரிக்க, அட்லி இயக்கி வருகிறார். வரும் 2016 பொங்கல் தினத்தில் இந்த படம் வெளிவரும் என எதிர்பார்க்கப்படுகிறது.
English Summary:Dhanush Tharalocal,Vijay World Tharalocal.