தென்னிந்திய நடிகர் சங்கத்தில் புதிய உறுப்பினர்கள் பொறுப்பேற்றதில் இருந்து நடிகர்களின் நலனுக்காக பல்வேறு நடவடிக்கைகள் எடுக்கப்பட்டு வரும் நிலையில் ரஜினி, கமல் உள்பட அனைத்து நடிகர் சங்க உறுப்பினர்களுக்கும் நடிகர் சங்க செலவில் தீபாவளி பரிசு வழங்க முடிவு செய்யப்பட்டுள்ளது.
ஆண்களுக்கு வேட்டி, பெண்களுக்கு சேலை மற்றும் அத்துடன் ஸ்வீட் பாக்ஸ் அடங்கிய பரிசுப்பைகளை அனைத்து உறுப்பினர்களின் வீட்டிற்கே சென்று கொடுக்க ஏற்பாடுகள் செய்யப்பட்டுள்ளதாகவும், இதனால் நடிகர் சங்கத்தில் உறுப்பினர்களாக இருக்கும் நாடக நடிகர்கள் உள்பட 3500 பேர்களும் பயனடைவர் என்றும் கூறப்படுகிறது. மேலும் நலிந்த நடிகர்களும் மகிழ்ச்சியான தீபாவளி கொண்டாட இந்த பரிசு பொருட்கள் உதவியாக இருக்கும் சங்க நிர்வாகிகள் கூறியுள்ளனர்.
மேலும் நடிகர் சங்கத்தில் உள்ள நிர்வாகிகள் பத்து பேர் தனி குழுக்களாக மாவட்ட வாரியாக பிரிக்கப்பட்டு அனைத்து மாவட்டங்களுக்கும் சென்று அங்குள்ள நாடக நடிகர், நடிகைகளை நேரில் சந்தித்து அவர்களது வாழ்வாதாரம் பற்றியும் ,வருமானம் மற்றும் அவர்களது தற்போதைய நிலை , செய்யும் தொழில் போன்றவைகளை நேர்த்தியாக கணக்கெடுத்து தலைமைக்கு தெரிவிக்கும் வகையில் ஏற்ப்பாடுகள் செய்யப்பட்டுள்ளது. இந்த பணி வரும் தீபாவளி பண்டிகைக்கு பின் துவங்கவுள்ளதாகவும் கணக்கெடுப்பிற்கு பின்னர் உதவி தேவைப்படுபவர்களுக்கு உடனடியாக நடிகர் சங்கத்தின் சார்பில் வேண்டிய உதவிகள் செய்யப்படவுள்ளதாகவும் கூறப்படுகிறது.
English summary-Nadigar sangam decided to provide diwali gifts for all actors