சென்னையில் இலவச காய்கறி விதைகள் வழங்கும் முகாம்

சென்னையில் இலவச காய்கறி விதைகள் வழங்கும் முகாம் வரும் ஆகஸ்ட் மாதம் 1 மற்றும் 2 ஆம் தேதிகளில் நடைபெறவுள்ளது. “டிரீ பேங்க்’ அறக்கட்டளை சார்பில் நடைபெறவுள்ள இந்த முகாம் சென்னை  விருகம்பாக்கம், ஆழ்வார் திருநகர் ஆகிய பகுதிகளில் நடைபெறும். விவசாயிகள், வியாபாரிகள் மற்றும் வீட்டில் தோட்டம் வைக்கும் பொதுமக்கள் ஆகியோர்கள் இந்த இலவச விதைகளை வாங்கி பயன்பெறுமாறு கேட்டுக்கொள்ளப்படுகிறது.

இதுகுறித்து “டிரீ பேங்க்’ அறக்கட்டளையின் நிறுவனர் கோ.முல்லைவனம் சமீபத்தில் வெளியிட்ட செய்திக் குறிப்பு ஒன்று கூறுவதாவது:

ஆடிப் பெருக்கை முன்னிட்டு, காய்கறி, கீரை வகைகளின் விதைகள் பொதுமக்களுக்கு இலவசமாக வழங்கும் முகாம் ஆகஸ்ட் 1, 2 ஆகிய தேதிகளில் காலை 9 மணி முதல் மாலை 5 மணி வரை நடைபெறும். இந்த முகாமில் கத்தரி, வெண்டை, பரங்கி, சுரை, பீர்க்கன், பாகல், தட்டக்காய், செடி பீன்ஸ், செடி அவரை, செடி முருங்கை, புடலை, மிளகாய், தக்காளி, முள்ளங்கி ஆகிய காய்கறி விதைகளும், அகத்திக் கீரை, முளைக் கீரை, சிறு கீரை, அரைக் கீரை ஆகிய கீரை விதைகளும் வழங்கப்படும்.

முதல் கட்டமாக வரும் ஆகஸ்ட் 1-ஆம் தேதி விருகம்பாக்கம், ஏ.வி.எம். நகர் முதல் தெரு பகுதியில் முகாம் நடைபெறும். இந்த முகாமில் ஒரு நபருக்கு நான்கு வகையான விதைகள் மட்டுமே வழங்கப்படும். விதைகளைப் பெற விரும்புவோர், இதுகுறித்து பத்திரிகையில் வரும் செய்திக் குறிப்புடன், அந்தப் பகுதியில் வசிப்பதற்கான அடையாளச் சான்றுக்கான நகலைக் கொண்டுவர வேண்டும்.

மேலும் விவரங்களுக்கு, விருகம்பாக்கம் பகுதியினர் 94440 04310, 93821 84310 ஆகிய செல்போன் எண்களில் தொடர்பு கொள்ளலாம். இரண்டாம் கட்ட முகாம் ஆழ்வார் திருநகர் டாக்டர் ராதாகிருஷ்ணன் சாலையில் உள்ள பஞ்சாப் நேஷனல் வங்கி எதிரில் ஆகஸ்ட் 2-ஆம் தேதி பொது மக்களுக்கு விதைகள் வழங்கப்படும். மேலும் விவரங்களுக்கு, ஆழ்வார் திருநகர் பகுதியினர் 78721 04310, 98401 28310 ஆகிய செல்போன் எண்களில் தொடர்பு கொள்ளலாம்.

English Summary:Free vegetable seeds providing camp in chennai