தமிழ்நாடு அரசு பணியாளர் தேர்வாணையத்தின் மூலம் 19 துணை கலெக்டர்கள், 26 போலீஸ் துணைசூப்பிரண்டுகள் ஆகிய உயர் பணிகளுக்கு குரூப்-1 முதல் நிலை தேர்வை கடந்த வருடம் நவம்பர் மாதம் 8-ந்தேதி நடத்தியது. வெறும் 74 பணியிடங்களை நிரப்ப நடந்த இந்த தேர்வில் லட்சக்கணக்கானோர் கலந்து கொண்டனர். இந்த தேர்வின் முடிவு கடந்த ஏப்ரல் மாதம் 20-ந்தேதி வெளியானது. இதில் 4 ஆயிரத்து 33 பேர் தேர்ச்சி பெற்றனர். தேர்ச்சி பெற்ற அனைவரும் வரும் 29ஆம் தேதி முதல் 31ஆம் தேதி வரை மெயின்தேர்வை எழுத உள்ளனர்.
அவர்களுக்கு சென்னையில் மட்டுமே தேர்வு மையம் அமைக்கப்பட்டுள்ளது. மொத்தம் 38 மையங்கள் ஏற்படுத்தப்பட்டுள்ளன. தேர்வு எழுத ஹால் டிக்கெட்டுகள் www.tnpsc.gov.in மற்றும் www.tnps-c-ex-ams.net ஆகிய இணையதளங்களில் பதிவேற்றம் செய்யப்பட்டுள்ளது. விண்ணப்பதாரர்கள் விண்ணப்ப எண் அல்லது பதிவு எண்ணை உள்ளீடு செய்து ஹால் டிக்கெட்டை பதிவிறக்கம்செய்து கொள்ளலாம்.
இந்த தகவலை தமிழ்நாடு அரசுப்பணியாளர் தேர்வாணையம் தெரிவித்துள்ளது.
English Summary: Group -1 Main exam hall ticket released in Official Website