இளம் இசையமைப்பாளர்களில் குறிப்பிட்டு சொல்லத்தக்க வகையில் வெற்றியை பெற்று வரும் ஜி.வி.பிரகாஷ்குமார், நடிப்பிலும் அவ்வபோது கவனம் செலுத்தி வருகிறார். ஜி.வி.பிரகாஷ் நடிப்பில் வெளிவந்த ‘டார்லிங்’, ‘த்ரிஷா இல்லைனா நயன்தாரா’ ஆகிய இரண்டு ஹிட் படங்களும் பாக்ஸ் ஆபீஸ் வெற்றியை கொடுத்ததால் உற்சாகத்தில் உள்ள அவர், அடுத்ததாக குழந்தைகளுக்காக தரவுள்ள முழுநீள ஆக்சன் திரைப்படம் ‘புரூஸ் லீ. இந்த படத்தின் படப்பிடிப்பு விறுவிறுப்பாக நடைபெற்று வரும் நிலையில் இப்படத்தின் சிங்கிள் டிராக் ஒன்றை வரும் 27ஆம் தேதி வெளியிட படக்குழுவினர் திட்டமிட்டுள்ளனர்.
பிரபல ஹாலிவுட் நடிகர் புரூஸ் லீ அவர்களின் பிறந்த தினம் நவம்பர் 27ஆம் தேதி என்பதால் அதே தேதியில் அவர் பெயரில் உருவாகி வரும் திரைப்படமான ‘புரூஸ்லீ படத்தின் சிங்கிள் டிராக்கை வெளியிடுவது அவருக்கு செலுத்தும் மரியாதையாக இருக்கும் என படக்குழுவினர் கருதுகின்றனர்.
பிரபல தெலுங்கு நடிகை க்ரித்தி கார்பானந்தா, ஜி.வி.பிரகாஷுக்கு ஜோடியாக இந்த படத்தில் நடிக்கவுள்ளார். ஜி.வி.பிரகாஷே இசையமைக்கும் இந்த படத்தை பிரசாந்த் பாண்டியராஜ் இயக்கி வருகிறார். இந்த படத்தை கெனன்யா பிலிம்ஸ் நிறுவனம் தயாரித்து வருகிறது.
english summary-Gv prakash movie single track release on bruce lee bday