ஐபிஎல் தொடரிலிருந்து பந்துவீச்சாளர் ரபாடா விலகல்

வரும் ஏப்ரல் 7-ம் தேதி தொடங்கவிருக்கிற ஐபிஎல் தொடரிலிருந்து வேகப்பந்து வீச்சாளர் ரபாடா விலகியுள்ளதாக தகவல்கள் வெளியாகியுள்ளன.

இந்த ஐபிஎல் தொடரில் டெல்லி டேர்டெவில்ஸ் அணி தென் ஆப்பிரிக்கா அணியின் நட்சத்திர பந்துவீச்சாளர் கேகிசோ ரபாடாவை ஏலத்தில் எடுத்தது. ரூ. 4.2 கோடிக்கு அவர் ஏலத்தில் எடுக்கப்பட்டார்.

ஆஸ்திரேலியாவுக்கு எதிரான டெஸ்ட் தொடரில் தென் ஆப்பிரிக்கா அணி விளையாடியது. இந்தத் தொடரில் சிறப்பாக விளையாடிய ரபாடா 23 விக்கெட்டுகள் எடுத்தார். அதுமட்டுமல்லாமல் தொடர் நாயகனாகவும் தேர்வு செய்யப்பட்டார். ஆனால் சமீபத்தில் நடந்து முடிந்த ஆஸ்திரேலியாவுக்கு எதிரான 4-வது டெஸ்ட் கிரிக்கெட் போட்டியில் விளையாடிய போது இவருக்கு காயம் ஏற்பட்டது. தற்போது காயத்தின் தன்மை தீவிரம் அடைந்துள்ளதால் அடுத்ஹ்ட மூன்று மாத காலத்துக்கு எந்தப் போட்டியிலும் கலந்து கொள்ளமுடியாத நிலை ஏற்பட்டுள்ளது.

டெல்லி டேர்வெவில்ஸ் அணியின் நம்பிக்கை நட்சத்திரமாக ஜொலிப்பார் என்று எதிர்பார்த்த நிலையில் ரபாடா ஐபிஎல் தொடரிலிருந்து விலகியிருப்பது அந்த அணிக்கு மிகப் பெரிய பின்னடைவை ஏற்படுத்தியுள்ளது.

English Summary: IPL 2018: Delhi’s Kagiso Rabada Ruled Out of Tournament