ஆசியாவில் உள்ள முன்னணி நாடுகளின் சுற்றுலா பகுதிகளுக்கு சுற்றுப்பயணம் செல்லும் பயண திட்டங்களை இந்தியன் ரயில்வே உணவு மற்றும் சுற்றுலாக் கழகம் (ஐஆர்சிடிசி) அறிவித்துள்ளது. இதுகுறித்து ஐஆர்சிடிசி நேற்று வெளியிட்டுள்ள அறிக்கை ஒன்றில் குறிப்பிட்டுள்ளதாவது:
“இந்திய உணவு மற்றும் சுற்றுலாக் கழகம் பல்வேறு விதமான பேக்கேஜ்களை ஏற்கனவே வெற்றிகரமாக செயல்படுத்தி வருகிறது. கோவா, காஷ்மீர், கேரளா, அந்தமான் மற்றும் சீரடி ஆகிய சுற்றுலா இடங்களுக்கு ஐஆர்சிடிசி ஏற்பாடு செய்த விமான பயணச் சேவைகள் பயணிகளிடம் பெரும் வரவேற்பை பெற்றுள்ள நிலையில் ஆசியாவின் பல்வேறு நாடுகளுக்கு புதிய குழுப் பயணங்கள் ஏற்பாடு செய்யப்பட்டுள்ளன.
“ஸ்ரீராமயாண யாத்ரா” என்று பெயரில் இலங்கைக்கு செல்லும் பயணம் வரும் ஆகஸ்ட் 8ஆம் தேதி மற்றும் செப்டம்பர் 19ஆம் தேதிகளில் தொடங்குகிறது. இந்த பயணத்தில் 4 இரவுகளும் 5 பகல்களும் அடங்கும். நுவரா இலியா, கண்டி மற்றும் கொழும்பு போன்ற இலங்கையின் பல பகுதிகளை இந்தப் பயணத்தின்போது சுற்றிப்பார்க்கலாம். விமானப்பயண சீட்டுக்கான கட்டணம், தங்கும் இடம், உணவு, சுற்றிப்பார்த்தல், கடவுத்தாள் (விசா) போன்ற அனைத்தும் இந்த பேக்கேஜுக்குள் அடங்கும். ஒரு அறையை இருவர் பகிர்ந்து கொள்ளும் பேக்கேஜ்களுக்கு கட்டணம் ரூ.34,000 ஆகும்.
இதே போன்று தாய்லாந்துக்கான சுற்றுலா பயணம் ஜூலை 10 மற்றும் ஆகஸ்ட் 14 ஆகிய தேதிகளில் தொடங்குகிறது. இதில் 4 இரவுகளும், 5 பகல்களும் அடங்கும். இதில் ஒரு அறையை இருவர் பகிர்ந்து கொள்ளும் பேக்கேஜுக்கான கட்டணம் ரூ.37,500 ஆகும். இது தொடர்பாக மேலும் தகவல்களை தெரிந்துகொள்ள சென்னை : 9840902918, மதுரை: 9003140714, கோவை: 9003140680 ஆகிய எண்களை தொடர்பு கொள்ளலாம்” என்று அந்த அறிக்கையில் குறிப்பிடப்பட்டுள்ளது.
English Summary : Indian Railway (IRCTC) and tourist committee introduces Asian Tour Package.