ஜெயம் ரவி நடித்த ரோமியோ ஜூலியட், தனி ஒருவன், அப்பாடக்கரு ஆகிய படங்கள் அடுத்தடுத்து ரிலீஸாகவுள்ள நிலையில் தற்போது ஒரு புதிய படத்தில் நடிக்க ஜெயம் ரவி ஒப்பந்தம் செய்யப்பட்டுள்ளார். சத்யராஜ் மகன் சிபிராஜுக்கு ரீ எண்ட்ரி கொடுத்த நாய்கள் ஜாக்கிரதை’ படத்தை இயக்கிய இயக்குனர் ஷக்தி எஸ்.ராஜன் இந்த படத்தை இயக்கவுள்ளார்.
இந்த படத்தில் ஜெயம் ரவியுடன் முதன்முதலாக ஜோடி சேரவுள்ளார் வளர்ந்து வரும் இளம் லட்சுமி மேனன். கும்கி, பாண்டிய நாடு, நான் சிகப்பு மனிதன், ஜிகர்தண்டா, மஞ்சப்பை, கொம்பன் என வரிசையாக சூப்பர் ஹிட் படங்களில் நடித்த லட்சுமி மேனன் கோலிவுட்டின் ராசியான நடிகை என்ற பெயரை பெற்றுள்ளார். இந்நிலையில் அவர் தற்போது ஜெயம் ரவியுடன் நடிக்க ஒப்பந்தம் செய்யப்பட்டுள்ளதால் இந்த படம் பெரும் எதிர்பார்ப்பை ஏற்படுத்தியுள்ளது.
ஜெயம் ரவி-லட்சுமி மேனன் இணையும் இந்த படத்தின் டைட்டில் மற்றும் நடிகர் நடிகைகள் குறித்த அறிவிப்பு விரைவில் அதிகாரபூர்வமாக வெளிவரும் என்றும் இந்த படத்தின் படப்பிடிப்பு வரும் ஜூலையில் ஆரம்பமாகவுள்ளதாகவும் கூறப்படுகிறது.
English Summary: Lakshmi Menon Co-starred with Jayam Ravi in a new film directed by Sakthi.S.Rajan.