12ஆம் வகுப்பு மற்றும் 10ஆம் வகுப்பு தேர்வுகளின் முடிவுகள் அடுத்தடுத்து வெளியாகிவிட்ட நிலையில் அடுத்ததாக பாலிடெக்னிக் தேர்வு முடிவுகள் வெளியாகவுள்ளது. தமிழகத்தில் அரசு, அரசு உதவி பெறும் கல்லூரி மற்றும் தனியார் சுயநிதி பாலிடெக்னிக் கல்லூரி தேர்வு முடிவுகள் மே 27ஆம் தேதி வெளியிடப்படும் என்று தகவல் தெரிவிக்கப்பட்டுள்ளது.
இதுகுறித்து தொழில்நுட்பக் கல்வி இயக்கக தேர்வு வாரிய தலைவர் வெளியிட்டுள்ள செய்திக்குறிப்பில் கூறியிருப்பதாவது:- தற்பொழுது பாலிடெக்னிக் கல்லூரிகளில் பயின்று வரும் மாணவர்களுக்கு தொழில்நுட்பக் கல்வி இயக்ககம் நடத்திய ஏப்ரல் 2016 பட்டயத் தேர்விற்கான, தேர்வு முடிவுகள் 27-5-2016 அன்று அதாவது நாளை வெளியிடப்படுகிறது. நாளை காலை www.tndte.com, http://intradote.tn.nic.in ஆகிய இணையதளங்களின் மூலம் பாலிடெக்னிக் தேர்வு முடிவுகளை மாணவர்கள் அறிந்து கொள்ளலாம். இவ்வாறு அந்த செய்திக்குறிப்பில் குறிப்பிடப்பட்டுள்ளது.
English Summary : Polytechnic results will be announced tomorrow.