சென்னையில் சச்சின் – ஏ.ஆர்.ரஹ்மான் சந்திப்பு

இந்தியாவின் இரண்டு இளம் சாதனையாளர்களின் சந்திப்பு நேற்று சென்னையில் நடைபெற்றது. இந்திய கிரிக்கெட் அணியில் பல உலக சாதனைகள் செய்து பெரும்புகழ் பெற்ற சச்சின் தெண்டுல்கர், இந்திய திரையுலக வரலாற்றில் இசைக்காக ஆஸ்கார் விருது வாங்கி நாட்டை கெளரவித்த ஏ.ஆ.ரஹ்மானை நேற்று அவரது வீட்டில் நேற்று சந்தித்தார்.

சென்னையில் எம்.ஆர்.எப். பவுண்டேசன் சார்பாக நடைபெற்ற நிகழ்ச்சி ஒன்றில் கலந்து கொள்வதற்காக நேற்று கிரிக்கெட் வீரர் சச்சின் தெண்டுல்கர் சென்னை வந்தார். இந்த நிகழ்ச்சி முடிந்தவுடன் சச்சின், இசையமைப்பாளர் ஏ.ஆர். ரஹ்மானை அவரது வீட்டுக்கு சென்று சச்சின் சந்தித்தார். இந்த சந்திப்பின்போது ஏ.ஆர். ரஹ்மானின் தாயாரும் உடன் இருந்தார். ஏ.ஆர். ரஹ்மான் இசை அமைக்கும் விதம், அவரது ஸ்டைல் மற்றும் தற்போது ரஹ்மான் இசையமைத்து கொண்டிருக்கும் படங்கள் குறித்து, சச்சின் ரஹ்மானிடம் கேட்டதாக கூறப்படுகிறது.

மேலும் இந்த சந்திப்பின்போது சச்சினுக்கு சில ட்யூன்களை ஏ.ஆர். ரஹ்மான் இசையமைத்து காண்பித்தார். இந்த சந்திப்பு முடிந்ததும், செய்தியாளர்களிடம் பேசிய சச்சின், தான் ஏ.ஆர். ரஹ்மானின் தீவிர ரசிகர் என்றும், அவரை மரியாதை நிமித்தமாக சந்திக்க வந்தாகவும் கூறினார்.

English Summary : Sachin met A.R.Rahman in his house in Chennai. He also mentioned he a fan of A.R.Rahman.