பிரபல பின்னணி பாடகி சுனிதி செளகான், விஜய் நடித்த ‘கத்தி’ திரைப்படத்தில் இடம்பெற்ற ‘செல்பி புள்ளே’ என்ற பாடலை விஜய்யுடன் இணைந்து பாடியுள்ளார். மேலும் இவர் கவுதம் மேனன் இயக்கிய ‘நீதானே என் பொன்வசந்தம்’ படத்தில் இடம்பெற்ற ‘முதல்முறை’ என்று தொடங்கும் பாடல் உள்பட பல பாடல்களை பாடியவர். இந்நிலையில் ஹாலிவுட் அனிமேஷன் படம் ஒன்றில் ஒரு பாடலை பாடியதோடு, அந்த படத்தின் முக்கிய கேரக்டர் ஒன்றுக்கு பின்னணி குரலும் கொடுத்துள்ளார்.
கடந்த 2013ஆம் ஆண்டு ஹாலிவுட்டில் வெளிவந்த ஃப்ரோசன் (Frozen) என்ற அனிமேசன் திரைப்படம், ஆஸ்கர், கோல்டன் க்ளோப் உட்பட எண்ணற்ற விருதுகளை அள்ளியுள்ளது என்பது குறிப்பிடத்தக்கது. இந்த அனிமேஷன் படத்தின் இந்தி பதிப்பு டிஸ்னி சேனலில் வரும் டிசம்பர் 12 அன்று ஒளிபரப்பாக உள்ளது.
இந்திய ரசிகர்கள் மிகவும் ஆவலுடன் எதிர்பார்த்த இந்த அனிமேசன் படத்தில் உள்ள முக்கிய கேரக்டரான எலிசா என்ற கேரக்டருக்கு பாடகி பின்னணி சுனிதி செளகான் குரல் கொடுத்துள்ளார். அதுமட்டுமின்றி இந்த படத்தில் ஒரு பாடலையும் அவர் பாடியுள்ளார். உலக அளவில் புகழ் பெற்ற ஹாலிவுட் படம் ஒன்றில் கோலிவுட் பாடகி ஒருவர் பணிபுரிந்தது பெருமையான ஒரு விஷயமாக கருதப்படுகிறது.english summary-selfie pulla singer Sunitha Sarathy