கருணாநிதியின் கைவண்ணத்தில் ஸ்ரீராமானுஜர் தொடர்

முன்னாள் முதல்வர் கருணாநிதி இந்தியாவின் மூத்த அரசியல்வாதி என்பது மட்டுமின்றி பல திரைப்படங்களுக்கு திரைக்கதை, வசனம் எழுதியவர் என்பது அனைவரும் அறிந்த உண்மை. பராசக்தி, மனோகரா, பூம்புகார், பாலைவன ரோஜாக்கள் போன்ற பல திரைப்படங்கள் அவருடைய எழுத்து திறமையை நிரூபித்தவை.

இந்நிலையில் இந்து மதத்தின் புகழ்பெற்ற ஆன்மீகவாதியான ஸ்ரீராமானுஜர் வாழ்க்கை வரலாறு கொண்ட ஒரு தொலைக்காட்சி தொடருக்கு கருணாநிதி திரைக்கதை வசனம் எழுதவுள்ளதாக செய்திகள் வெளிவந்துள்ளது.

இந்த தொலைக்காட்சி தொடரை பிரபல சின்னத்திரை நடிகையும் தயாரிப்பாளருமான குட்டிபத்மினி தயாரிக்கவுள்ளார். ஸ்ரீராமானுஜர் கதையை தொலைக்காட்சி தொடராக தயாரிக்க வேண்டும் என்பது தனது நீண்ட நாள் ஆசை என்றும் இந்த தொடருக்கு கருணாநிதி அவர்கள் திரைக்கதை எழுதித்தர சம்மதம் தெரிவித்தது தனது அதிர்ஷ்டம் என்றும் அவர் கூறினார். இந்த தொடருக்காக கருணாநிதி பத்துக்கும் மேற்பட்ட ராமானுஜர் புத்தகத்தை படித்து அவரை பற்றிய முழு விபரங்களையும் தெரிந்து கொண்ட பின்னரே தனது பணியை அவர் ஆரம்பித்துள்ளதாகவும் குட்டிபத்மினி தெரிவித்துள்ளார்.

English Summary : Karunanidhi to write a series of Sri Ramanujar. Karunanidhi decided to screenplay after reading various novels of Sri Ramanujar.