ஆயுதபூஜை, விஜயதசமி வரும் அக்டோபர் மாதம் 23, 24-ம் தேதிகளில் திங்கள், செவ்வாய்கிழமைகளில் வருகின்றன. பொதுமக்களின் வசதிக்காக 120 நாட்களுக்கு முன்பே ரயில்களில் முன்பதிவுகள் தொடங்குவது வழக்கம்.
இதையொட்டி, அக்டோபர் 20-ம் தேதி வெள்ளிக் கிழமையன்று சொந்த ஊருக்கு செல்ல விரும்புவோருக்கு நேற்று (22-ம் தேதி) முன்பதிவுகள் தொடங்கின. அக்டோபர் 21, 22 ஆகிய தினங்களில் புறப்பட்டு ஊருக்கு வருவோர் அடுத்தடுத்த தினங்களில் முன்பதிவு செய்து கொள்ள முடியும்.
அக்டோபர் 23-ம் தேதியன்று சரஸ்வதி பூஜையன்று ஊருக்கு திரும்புவோர் வரும் 24-ம் தேதி முதல் முன்பதிவு செய்து கொள்ளலாம். பண்டிகை காலத்தில் சென்னை, கோவை, மும்பை, பெங்களூரு ஆகிய இடங்களில் இருந்து சொந்த ஊருக்கு திரும்புவோர் முன்கூட்டியே திட்டமிட்டு முன்பதிவு செய்து கொள்ள தெற்கு ரயில்வே அறிவுறுத்தியுள்ளது.