‘பசங்க’ என்ற படத்தில் இயக்குனராக அறிமுகமாகி அதன்பின்னர் வம்சம், மெரினா, கேடி பில்லா கில்லாடி ரங்கா போன்ற படங்களை இயக்கிய பாண்டிராஜ் தற்போது இயக்கி வரும் படங்கள் சூர்யாவின் ‘ஹைக்கூ’ மற்றும் சிம்புவின் ‘இது நம்ம ஆளு.
இவற்றில் ‘ஹைக்கூ’ படத்தின் படப்பிடிப்பு முடிவடைந்து விரைவில் வெளிவரவுள்ளது. தமிழக அரசின் வரிவிலக்கு சலுகையை பெறவேண்டும் என்றால் இந்த படத்தின் டைட்டிலை தமிழுக்கு மாற்ற வேண்டும் என முடிவு செய்த இயக்குனர் பாண்டியராஜ், புதிய டைட்டிலை தேர்வு செய்ய உதவுமாறு ரசிகர்களுக்கு டுவிட்டரில் வேண்டுகோள் விடுத்தார்.
அவருடைய வேண்டுகோளை ஏற்று ஏராளமானோர் பல டைட்டில்களை அவருக்கு பரிந்துரை செய்தனர். இவற்றில் இருந்து மழலை, மழலைப்பட்டாளம், இளந்தளிர்கள், பூக்கல், கவிதைகள், குட்டிப்பசங்க, பசங்க 2′ ஆகிய டைட்டில்களை முதல்கட்டமாக தேர்வு செய்த பாண்டியராஜ், தற்போது ‘பசங்க 2’ என்ற டைட்டிலை உறுதி செய்துள்ளார். இந்த டைட்டிலை தனது டுவிட்டர் பக்கத்தில் போஸ்டருடன் அதிகாரபூர்வமாக நேற்று அறிவித்துள்ளார்.
சூர்யா, அமலாபால், பிந்துமாதவி மற்றும் பல குழந்தை நட்சத்திரங்கள் நடித்துள்ள இந்த படத்தை சூர்யாவின் 2D எண்டர்டெயின்மெண்ட் நிறுவனம் தயாரித்துள்ளது. ‘பிசாசு’ படத்திற்கு இசையமைத்த அரோல் கராலி இந்த படத்திற்கு இசையமைத்துள்ளார். இந்த படத்தை எஸ்கேப் ஆர்ட்டிஸ்ட் மோஷன் பிக்சர்ஸ் நிறுவனர் மதன் தமிழகம் முழுவதும் வெளியிடும் உரிமையை பெற்றுள்ளார். இந்த படத்தின் இசை வெளியீடு மற்றும் ரிலீஸ் தேதிகள் விரைவில் அறிவிக்கப்படும் என தெரிகிறது.
English Summary : Surya film Haikuu film tile has been changed to Pasanga2, directed by Pandirajan.