இசைஞானி இளையராஜாவின் இசை வாரீசான யுவன்ஷங்கர் ராஜா கோலிவுட்டின் முன்னணி இசையமைப்பாளராக விளங்கி வரும் நிலையில் தற்போது அவர் ஹாலிவுட் படத்தில் அறிமுகமாகவுள்ளதாக செய்திகள் வெளிவந்துள்ளது. மேலும் யுவன்ஷங்கர் ராஜா மட்டுமின்றி கோலிவுட்டின் முன்னணி டெக்னிக்கல் கலைஞர்களும் இதே படத்தின் மூலம் ஹாலிவுட்டில் அறிமுகமாக உள்ளனர்.
ஹாலிவுட்டின் தயாராகி வரும் WoolFell என்ற ஆங்கில படத்திற்கு யுவன்சங்கர் ராஜா இசையமைப்பாளராக ஒப்பந்தம் செய்யப்பட்டிருப்பதாகவும், இந்த படத்திற்கு கதை திரைக்கதையை பிரபாகரன் ஹரிஹரன் என்பவர் எழுத, இந்த படத்தை இயக்கும் பொறுப்பை குணால் ராஜன் என்பவர் ஏற்றுள்ளதாகவும் தகவல்கள் வெளிவந்துள்ளது. மேலும் இந்த படத்தை பிரபல கோலிவுட் எடிட்டர் ப்ரவீண் எடிட்டிங் செய்கிறார்.
இந்த படத்தின் ஃபர்ஸ்ட் லுக் நேற்று சமூக வலைத்தளங்களில் வெளியாகியுள்ளது. கோலிவுட் கலைஞர்களால் உருவாகவிருக்கும் இந்த படம் வெற்றியடைய நமது வாழ்த்துக்கள்
English summary-Yuvan Shankar Raja to compose music for hollywood movie