இளையதளபதி விஜய் நடித்து வரும் ‘விஜய் 59’ படத்தின் டைட்டில் மற்றும் ஃபர்ஸ்ட் லுக் இன்று நள்ளிரவு 12 மணியளவில் வெளியாகவுள்ள நிலையில் ‘விஜய் 60’ படம் குறித்த தகவல்களும் விறுவிறுப்பாக வெளிவந்து கொண்டிருக்கின்றது.
விஜய்யின் 60வது படத்தை ‘அழகிய தமிழ்மகன்’ இயக்குனர் பரதன் இயக்குவதாகவும், மதி ஒளிப்பதிவு செய்வதாகவும், ப்ரவீண் படத்தொகுப்பு செய்வதாகவும், விஜயா புரடொக்ஷன்ஸ் இந்த படத்தை தயாரிக்க இருப்பதாகவும் ஏற்கனவே உறுதிப்படுத்தப்பட்டுள்ள நிலையில் தற்போது காமெடி நடிகர் சதீஷ், இந்த படத்தில் நடிக்க ஒப்பந்தம் செய்யப்பட்டுள்ளார்.
நடிகர் சதீஷ் ஏற்கனவே விஜய்யுடன் ‘கத்தி’ படத்தில் இணைந்து நடித்தவர் என்பது குறிப்பிடத்தக்கது. இதுகுறித்து சதீஷ் தனது டுவிட்டர் பக்கத்தில் கூறியபோது, ‘கத்தி’ படத்திற்கு பின்னர் மீண்டும் இளையதளபதியுடன் இணைந்து நடிக்க வாய்ப்பு கிடைத்துள்ளது மிகவும் சந்தோஷத்தை தருகிறாது. விஜய்யின் 60 வது படத்தில் இணைந்ததற்காக பெருமைப்படுகிறேன்’ என்று கூறியுள்ளார்
english summary-Satish to share the screen with Vijay`s 60th film