பிரபல இயக்குனரும், விஜய் நடிப்பில் அட்லி இயக்கி வரும் ‘தெறி’ படத்தின் வில்லன் நடிகர்களில் ஒருவருமான மகேந்திரன் வெள்ளத்தில் தனது மனைவியுடன் சிக்கிக்கொண்டதாகவும், அவர்களுக்கு போலீஸார் உதவி செய்ததாகவும் தகவல்கள் வெளிவந்துள்ளது.
சென்னை பள்ளிக்கரணையில் உள்ள தனது வீட்டில் மகேந்திரன் தனது மனைவியுடன் வாழ்ந்து வரும் நிலையில் சென்னையில் ஏற்பட்ட வெள்ளத்தால் அவரது வீட்டையும் வெள்ளம் சூழ்ந்து கொண்டது. மின்சாரம், தகவல் தொடர்பு எதுவும் இல்லாததால் அவரை தொடர்பு கொள்ள முடியாத வெளிநாட்டில் உள்ள அவரது மகன் ஜான், சென்னை போலீஸாரை தொடர்பு கொண்டு தன்னுடைய பெற்றோர்களின் பாதுகாப்பை உறுதி செய்ய உதவி கோரினார்.
ஜானின் வேண்டுகோளை ஏற்ற போலீஸார் மகேந்திரன் வீட்டுக்கு சென்று மகேந்திரனும் அவர் மனைவியும் பாதுகாப்பாக இருப்பதை உறுதி செய்ததோடு, இருவருக்கும் தேவையான உதவிகளை செய்ததோடு, அவரது மகன் ஜானுக்கும் தகவல் கொடுத்தனர். மேலும் மகேந்திரன் மற்றும் அவரது மனைவி புகைப்படத்தையும் ஜானுக்கு வாட்ஸ் மூலம் அனுப்பினர்.
English summary-Police rescue director mahendran from flood