வி.ஏ.ஓ. என்று கூறப்படும் கிராம நிர்வாக அலுவலர் பதவிக்கான தேர்வு முடிவுகள் இன்று இணையதளத்தில் வெளியிடப்பட்டுள்ளது. இந்த தேர்வை எழுதிய விண்ணப்பதாரர்கள் தங்கள் தேர்வு முடிவை இணையதளத்தில் பார்த்து தெரிந்து கொள்ளும்படி அறிவிக்கப்பட்டுள்ளது.
2014 -15-ஆம் ஆண்டிற்கான 813 கிராம நிர்வாக அலுவலர் பதவிக்கான காலிப்பணியிடங்களில் நேரடி நியமனம் செய்வதற்கான எழுத்துத் தேர்விற்கு 2015ஆம் ஆண்டு நவம்பர் 12ஆம் தேதி அறிவிப்பு வெளியிடப்பட்டு இதற்கான எழுத்துத் தேர்வை 2016 பிப்ரவரி 28 -ஆம் தேதி தமிழ்நாடு அரசு பணியாளர் தேர்வாணையம் நடத்தியது .
இந்த தேர்வு முடிவுகளை அரசு பணியாளர் தேர்வாணையத்தின் அதிகாரபூர்வ இணணயதளமான http://www.tnpsc.gov.in என்ற இணையதளத்தில் பார்த்து தெரிந்துகொள்ளலாம். தேர்ச்சி பெற்றவர்களுக்கான சான்றிதழ் சரிபார்ப்பு ஆகஸ்ட் முதல் வாரத்தில் நடைபெறுகிறது.
English Summary: VAO Exam Result Released in Website.