கடந்த பல ஆண்டுகளாக சென்னை தியாகராநகர் தெற்கு அஞ்சல் அலுவலகம் இயங்கி வந்த நிலையில் தற்போது இந்த அஞ்சல் அலுவலகம் புதிய முகவரிக்கு இடம் மாற்றப்பட்டுள்ளதாக அஞ்சல் துறை சென்னை நகர மண்டல தலைமை அலுவலர் அறிவித்துள்ளார். இதுகுறித்து அவர் வெளியிட்டுள்ள செய்திக்குறிப்பு ஒன்றில் கூறியிருப்பதாவது:
சென்னை தியாகராயநகர் தெற்கு அஞ்சல் அலுவலகம் தெற்கு உஸ்மான் சாலையில் செயல்பட்டு வந்தது. தற்போது, இந்த அலுவலகம் “எண்-11, தாமோதர ரெட்டி தெரு, தியாகராய நகர்’ என்ற முகவரிக்கு மாற்றப்பட்டுள்ளது. அதன்படி, இந்த மாதம் தொடக்கத்திலிருந்து இந்த அலுவலகம் செயல்பட தொடங்கியுள்ளது.
பொதுமக்களின் வசதிக்காக அஞ்சல் அலுவலகம் இடமாற்றம் செய்யப்பட்டுள்ளது. எனவே, பொதுமக்கள் அஞ்சல் தொடர்பான விஷயங்களுக்கு புதிய முகவரியில் செயல்படும் தெற்கு அஞ்சல் அலுவலகத்தைப் பயன்படுத்திக்கொள்ளலாம். அத்துடன், தொடர்ந்து இந்திய அஞ்சல் துறைக்கு ஒத்துழைப்பு அளிக்குமாறு கேட்டுக்கொள்ளப்படுகிறார்கள். இவ்வாறு அந்த செய்திக்குறிப்பில் குறிப்பிடப்பட்டுள்ளது.
English Summary :T Nagar, Usman Road, post office Shifted