கோ-ஆப்டெக்ஸ் நிறுவனத்தின் விற்பனை நிலையங்களில் 100 உதவி விற்பனையாளர்கள் பணியிடங்கள் காலியாக உள்ளதாகவும், இந்த காலியிடங்களை நிரப்ப வேண்டும் என்று கோ ஆப்டெக்ஸ் நிர்வாகம் கேட்டுக்கொண்டதற்கு இணங்க தற்போது அந்த் காலியிடங்களை நிரப்ப நடவடிக்கை எடுக்கப்பட்டுள்ளது. இதன்படி பிளஸ்-2 முடித்தவர்கள் இந்த பணிக்கு விண்ணப்பிக்கலாம் என்றும் இதற்கு எழுத்து தேர்வு, நேர்முகத்தேர்வு ஆகியவை நடத்தப்படும் என்றும் கூறப்படுகிறது.
18 முதல் 28 வயதுக்குள் இருப்பவர்கள் இந்த பணிக்கு விண்ணப்பிக்க தகுதி உடையவர்கள். எஸ்.சி., எஸ்.டி., பி.சி., எம்.பி.சி., டி.என்.சி. ஆகிய ஒதுக்கீட்டு பிரிவினருக்கு வயது வரம்பு 33 ஆக நிர்ணயிக்கப்பட்டுள்ளது.
உதவி விற்பனையாளர் பணிக்கு விண்ணப்பிக்க விரும்புவோர் விண்ணப்ப படிவத்தை கோ-ஆப்டெக்ஸ் நிறுவனத்தின் இணைய தளத்தில் (www.cooptex.gov.in) இருந்து பதிவிறக்கம் செய்யலாம். விண்ணப்ப கட்டணம் ரூ.500. எஸ்.சி., எஸ்.டி., வகுப்பினருக்கு ரூ.250.
பூர்த்தி செய்யப்பட்ட விண்ணப்ப படிவத்தை, விண்ணப்ப கட்டணத்துக்கான டிமாண்ட் டிராப்ட் மற்றும் இதர ஆவணங்களுடன் வருகிற 25-ம் தேதிக்குள் சென்னை எழும்பூரில் உள்ள கோ-ஆப்டெக்ஸ் தலைமை அலுவலகத்திற்கு பதிவு தபாலில் அனுப்ப வேண்டும்.
எழுத்து தேர்வு நடைபெறும் தேதி பின்னர் அறிவிக்கப்படும். கல்வித்தகுதி, வயது வரம்பு, தேர்வு முறை, பணி நியமனம், இட ஒதுக்கீடு வாரியாக காலி பணியிடங்கள் உள்ளிட்டவை தொடர்பான கூடுதல் விவரங்களை கோ-ஆப்டெக்ஸ் இணைய தளத்தில் விரிவாக தெரிந்து கொள்ளலாம்.
உதவி விற்பனையாளர் பணிக்கு தேர்வு செய்யப்படுவோருக்கு மாத சம்பளம் ரூ.11,500 வழங்கப்படும். மேலும் வருங்கால வைப்பு நிதி (இ.பி.எப்), பணிக் கொடை உள்ளிட்ட இதர சலுகைகளும் கிடைக்கும். இந்த தகவல் கோ-ஆப்டெக்ஸ் இணைய தளத்தில் வெளியிடப்பட்டுள்ளது.
English Summary : Do you want to Salesman work in Co-optex? Here is a rare opportunity