பிரபல இயக்குனர் செல்வராகவன் தற்போது எஸ்.ஜே.சூர்யா நடித்த ‘நெஞ்சம் மறப்பதில்லை’ என்ற படத்தை இயக்கி முடித்துள்ளார். இந்த படம் வரும் செப்டம்பரில் வெளியாகும் என்று எதிர்பார்க்கப்படுகிறது. இந்நிலையில் சமீபத்தில் ‘தில்லுக்கு துட்டு’ என்ற படத்தில் ஹீரோவாக நடித்த சந்தானம், செல்வராகவனின் அடுத்த பட ஹீரோவாக நடிக்க ஒப்பந்தமாகியுள்ளதாக தகவல்கள் வெளிவந்துள்ளது.
சீரியஸ் படங்கள் இயக்கும் செல்வராகவனும், சிரிப்பு படங்களில் நடிக்கும் சந்தானமும் இணைந்துள்ளதால் இந்த படம் பெரும் எதிர்பார்ப்பை ஏற்படுத்தும் என்று கூறப்படுகிறது. இந்த தகவலை செல்வராகவன் மற்றும் சந்தானம் ஆகிய இருவருமே தங்கள் டுவிட்டரில் உறுதி செய்துள்ளனர்.
சந்தானம் தற்போது ‘சர்வர் சுந்தரம்’ என்ற படத்தில் பிசியாக உள்ளார். அதேபோல் செல்வராகவனும் ‘நெஞ்சம் மறப்பதில்லை’ படத்தின் போஸ்ட் புரடொக்ஷன்ஸ் பணிகளில் பிசியாக உள்ளார். இருவரும் தங்கள் பணியை முடித்தவுடன் படப்பிடிப்பை தொடங்குவார்கள் என்று கூறப்படுகிறது.
English Summary: Selvaragavan’s Next Santhanam Playing Lead Role