சென்னை பல்கலைக்கழகத்தில் நாளை குறைதீர்க்கும் முகாம்.

சென்னை பல்கலைகழகத்தின் கீழ் இயங்கி வரும்125 இணைப்பு கல்லுாரிகளில் படித்து வரும் மாணவர்கள் மற்றும் பல்கலைகழகத்தில் நேரடியாக பயிலும் மாணவர்கள் ஆகியோர்களுக்கு ஏற்படும் குறைகளை தீர்க்க சிறப்பு குறைதீர்க்கும் முகாம், பல்கலைவளாகத்தில் நாளை நடைபெறவுள்ளது. இந்த முகாமில் கலந்து கொண்டு மாணவர்கள் தங்கள் குறைகளை தெரிவித்தால், அந்த குறைகள் உடனடியாக நடவடிக்கைகள் மூலம் சரிசெய்யப்படும் என அறிவிக்கப்பட்டுள்ளது.

தொலைநிலை கல்வி மாணவர்கள், கல்லுாரி மாணவர்கள், பல்கலையின் முதுநிலை மற்றும் ஆராய்ச்சி மாணவர்கள் உள்ளிட்டோர் இந்த முகாமில் பங்கேற்கலாம். அதற்கு முன் குறை தொடர்பாக, பல்கலையின் இணையதளத்தில் பதிவு செய்ய, மாணவர்கள் அறிவுறுத்தப்பட்டுள்ளனர். காலை 10:00 மணி முதல் மாலை 5:00 மணி வரை, மாணவர்கள் நேரடியாக முகாமுக்கு வந்து, சான்றிதழ் பெறுவதில் ஏற்பட்டுள்ள பிரச்னைகள், சிக்கல்கள், மாணவர் சேர்க்கையிலுள்ள பிரச்னைகளுக்கு தீர்வு காணலாம் என, பல்கலை நிர்வாகம் அறிவித்துள்ளது.

English Summary : Tomorrow anodyne Camp at the University of Madras.