மருத்துவ கல்லூரி மாணவர்களுக்கு பரிசு வழங்கிய அருண்விஜய்

தமிழகத்தில் உள்ள மருத்துவக் கல்லூரி மாணவ, மாணவர்களுக்கு இடையே கலை நிகழ்ச்சி மற்றும் விளையாட்டு போட்டிகள் சென்னை கற்பக விநாயகா மருத்துவக் கல்லூரியில் கடந்த மூன்று நாட்களாக மிகச் சிறப்பாக நடைபெற்றது. இந்த போட்டிகளில் கீழ்ப்பாக்கம், ஸ்டேன்லி, திருநெல்வேலி அரசு மருத்துவ கல்லூரிகள் உள்பட 27 தனியார் மற்றும் அரசு மருத்துவ கல்லூரிகளை சேர்ந்த 936 மாணவ, மாணவிகள் கலந்து கொண்டனர். இவர்கள் அனைவரும் உணவு மற்றும் தங்கும் வசதிகள் உள்பட அனைத்து வசதிகளையும் கற்பக விநாயகா மருத்துவக் கல்லூரி நிர்வாகம் செய்து கொடுத்தது.

கடந்த மூன்று நாட்களாக மிகச் சிறப்பாக நடைபெற்ற இந்த போட்டிகள் நேற்று நிறைவு பெற்றது. போட்டிகளில் வெற்றி பெற்ற மாணவ மாணவிகளுக்கு நடிகர் அருண்விஜய் பரிசுகளை வழங்கினார். நிறைவு விழா நிகழ்ச்சியில் கற்பக விநாயகா மருத்துவக் கல்லூரியின் தலைமை நிர்வாகி மரு.அண்ணாமலை கலந்து கொண்டு மாணவர்களின் ஆர்வத்தை பாராட்டி பேசினார்.

English Summary : Arun Vijay presents gift for the winners of culturals and sports conducted in Karpaga Vinayaka Medical College.