இளையதளபதி விஜய்யின் தந்தையும், பிரபல இயக்குனருமான எஸ்.ஏ.சந்திரசேகர் தனுஷின் அடுத்த படத்தில் அவருக்கு தந்தையாக நடிக்கவுள்ளதாக ஏற்கனவே செய்திகள் வெளிவந்த நிலையில் தற்போது பிரபல பாடலாசிரியரும், நடிகருமான பா.விஜய் நடிக்கவுள்ள ஒரு படத்தில் அவருக்கு தந்தையாக நடிக்க ஒப்பதமாகியுள்ளதாக செய்திகள் வெளிவந்துள்ளது.
கடந்த ஜனவரியில் ‘டூரிங் டாக்கீஸ்’ என்ற படத்தை நடித்து இயக்கியிருந்த விஜய்யின் தந்தை எஸ்.ஏ.சந்திரசேகர், எதிர்நீச்சல், காக்கிச்சட்டை படங்களை இயக்கிய துரைசெந்தில்குமார் இயக்கத்தில் தனுஷ் நடிக்கவுள்ள அடுத்த படத்தில் அவருக்கு தந்தையாக நடிக்கவுள்ளார். இந்த படத்தில் ஷாம்லி, த்ரிஷா ஆகியோர் நடிக்கின்றனர். அனிருத் இந்த படத்திற்கு இசையமைக்கவுள்ளார்.
இந்நிலையில் தனுஷை அடுத்து பா.விஜய்க்கும் தந்தையாக அவர் ‘நையப்படை’ என்ற படத்தில் நடிக்கவுள்ளார். இந்த படத்தில் 70 வயதான ஒரு முதியவர் பாத்திரத்தில் எஸ்.ஏ.சி நடிக்கின்றார். முதியவர் ஒருவரின் கோபத்தைப் பற்றிய கதையாக உருவாக இருக்கும் இந்த படத்தை அறிமுக இயக்குனர் விக்ரம் விஜய் இயக்கவுள்ளார். இதில் பா.விஜய்க்கு ஜோடியாக சாந்தினி நடிக்கவுள்ளதாக கூறப்படுகிறது. இந்த படத்தை கலைப்புலி எஸ்.தாணு தயாரிக்கவுள்ளார். ஏற்கனவே விஜய்யின் ‘விஜய் 59’ படத்தையும் இவர்தான் தயாரித்து வருகிறார் என்பது குறிப்பிடத்தக்கது.
English summmary-Actor Vijay’s father SA Chandrasekar to act as dhanush father.