இந்த வருடம் வெளியான திரைப்படங்களில் சூப்பர் ஹிட்டான திரைப்படங்களுள் மிக முக்கியமான படம் ராகவா லாரன்ஸ் இயக்கிய ‘காஞ்சனா 2’. ராகவா லாரன்ஸ், டாப்சி, நித்யாமேனன் உள்பட பலரது நடிப்பில் அவரே இயக்கியிருந்த இந்த படம் இன்னும் தியேட்டர்களில் வெற்றிகரமாக ஓடிக்கொண்டிருக்கின்றது. இந்நிலையில் வேந்தர் மூவீஸ் நிறுவனம் தயாரிக்கும் புதிய படத்திற்காக ராகவா லாரன்ஸ் ஒப்பந்தம் செய்யப்பட்டுள்ளார்.
கதை, திரைக்கதை, வசனம் எழுதி இயக்குவதோடு இந்த படத்தில் ராகவா லாரன்ஸ் கதாநாயகனாக நடிக்கவும் உள்ளார். இன்னும் பெயர் வைக்கப்படாத இந்த படம் பேய்ப்படம் இல்லை என்றும், ஆனால் த்ரில் மற்றும் காமெடி அம்சங்கள் அமைந்த படம் என்றும் தயாரிப்பு நிறுவனம் தரப்பில் இருந்து தெரிவிக்கப்பட்டுள்ளது.
ஆகஸ்ட் மாதம் இந்த படத்தின் படப்பிடிப்பு தொடங்கவுள்ளதாகவும், இந்த படத்தில் ராகவா லாரன்ஸுக்கு ஜோடியாக நடிக்கவுள்ள ஹீரோயின் உள்பட மற்ற நடிகர், நடிகைகள் மற்றும் தொழில்நுட்ப கலைஞர்களின் தேர்வு விறுவிறுப்பாக நடைபெற்று வருவதாகவும் கூறப்படுகிறது.
English Summary : Vendhar Movies sets an agreement with Raghava Lawrence next film.