நவம்பர் 10ஆம் தேதி தீபாவளி தினத்தில் உலக நாயகன் கமல்ஹாசன் நடித்த ‘தூங்காவனம்’ மற்றும் தல அஜீத் நடித்த ‘வேதாளம்’ ஆகிய படங்கள் ரிலீஸ் ஆவது உறுதியாகியுள்ள நிலையில் இந்த படங்களுடன் பழைய வண்ணாரப்பேட்டை, ஆயிரத்தில் இருவர் ஆகிய சின்ன பட்ஜெட் படங்களும் ரிலீஸ் ஆகவுள்ளதாக செய்திகள் வெளிவந்துள்ளது.
இந்நிலையில் நகுல், பிரேம்ஜி அமரன், நிகிஷா படேல், ராதாரவி, மயில்சாமி, எம்.எஸ்.பாஸ்கர் உள்பட பலர் நடித்த ‘நாரதன்’ திரைப்படமும் தீபாவளிக்கு வெளிவரவுள்ளதாக இன்று முதல் பத்திரிகைகளில் விளம்பரங்கள் வந்துள்ளது. நாக வெங்கடேஷ் இயக்கியுள்ள இந்த படத்திற்கு மணிஷர்மா இசையமைத்துள்ளார்.
இந்த படத்தின் நாயகர்களில் ஒருவரும் பிரபல இயக்குனர் வெங்கட்பிரபுவின் சகோதருமான பிரேம்ஜி, அஜீத்தின் தீவிர ரசிகர். இவர் அஜீத்துடன் இணைந்து ‘மங்காத்தா’ படத்தில் நடித்துள்ளார் என்பதும் குறிப்பிடத்தக்கது. இந்நிலையில் அஜீத் படமான ‘வேதாளம்’ படத்துடன் அவரது ரசிகரான பிரேம்ஜியின் ‘நாரதன்’ படமும் மோதுகிறது என்பது குறிப்பிடத்தக்கது.
English summary-Prem ji’s Narathan movie will be release for diwali