கடந்த சில மாதங்களுக்கு முன்னர் எஸ்.எஸ் ராஜமெளலி இயக்கத்தில் வெளியாகி உலகம் முழுவதும் சூப்பர் ஹிட் ஆகிய ‘பாகுபலி’ படத்தின் வெற்றிக்கு பின்னர் தற்போது உருவாக இருக்கும் அந்த படத்தின் தொடர்ச்சியான ‘பாகுபலி 2′ படத்திற்கு கிராபிக்ஸ் மேற்பார்வையாளராக கமலக்கண்ணன் ஒப்பந்தம் செய்யப்பட்டு இருக்கிறார்.
பாகுபலி’ முதல் பாகத்தில் கிராபிக்ஸ் மேற்பார்வையாளராக பணிபுரிந்த ஸ்ரீனிவாஸ் மோகன் ‘எந்திரன் 2’ படத்துக்காக ஒப்பந்தம் செய்யப்பட்டு இருப்பதால், இப்படத்தில் இருந்து விலகி இருப்பதாகவும், அவருக்கு பதில் கமலக்கண்ணன் ஒப்பந்தம் செய்யப்பட்டுள்ளதாகவும் தகவல்கள் வெளியாகியுள்ளன.
கமலக்கண்ணன் ஏற்கனவே எஸ்.எஸ்.ராஜமவுலி இயக்கிய ‘மகதீரா’, ‘நான் ஈ’ மற்றும் விஜய் நடித்த ‘புலி’ உள்பட பல படங்களில் கிராபிக்ஸ் மேற்பார்வையாளராக பணிபுரிந்தவர் என்பது குறிப்பிடத்தக்கது. மேலும் இவர் பல்வேறு மாநில விருதுகளும், கிராபிக்ஸ் காட்சிகளுக்காக இரண்டு முறை தேசிய விருதும் பெற்றவர் என்பது குறிப்பிடத்தக்கது.
பாகுபலி 2′ படத்தின் படப்பிடிப்பு ஏற்கனவே 40% முடிந்துவிட்டதாகவும், மீதி படப்பிடிப்பு வரும் நவம்பர் முதல் வாரத்தில் தொடங்கும் என்றும் கூறப்படுகிறது. இரண்டாம் பாகத்தில் முக்கிய கேரக்டரில் நடிக்கவுள்ள அனுஷ்கா சமீபத்தில் அமெரிக்கா சென்று எடைக்குறைப்பு செய்து திரும்பியுள்ளார் என்பது குறிப்பிடத்தக்கது.
English summary-New graphic designer appointed for Baahubali 2 movie.