TNPSC எனப்படும் தமிழ்நாடு அரசு பணியாளர் தேர்வாணையம் நடத்தும் குரூப் 2 தேர்வுக்கு விண்ணப்பிக்க நவம்பர் 11ஆம் தேதி கடைசி நாள் என்று ஏற்கனவே அறிவிக்கப்பட்டுள்ளது. 1,947 காலியிடங்களுக்கு குரூப் 2 தேர்வு நடைபெறவுள்ளது. இந்நிலையில் சென்னை உள்பட தமிழகத்தின் அனைத்து மாவட்ட வேலைவாய்ப்பு அலுவலகங்களிலும் குரூப் 2 தேர்வுக்கான இலவச பயிற்சி வகுப்புகள் நடத்தப்படும் என தமிழக அரசு அறிவித்துள்ளது.
இதுகுறித்து வேலைவாய்ப்பு, பயிற்சித் துறையின் இயக்குநர் சி.சமயமூர்த்தி வெளியிட்ட அறிவிப்பு ஒன்றில் கூறியிருப்பதாவது: “குரூப் 2 பிரிவில் 1,947 காலியிடங்கள் அறிவிக்கப்பட்டுள்ளன. இதற்கு விண்ணப்பிக்க நவம்பர் 11-ஆம் தேதி கடைசி நாளாகும். தேர்வுக்காக அனைத்து மாவட்ட வேலைவாய்ப்பு அலுவலகங்களிலும் இலவச பயிற்சி வகுப்புகள் சிறந்த வல்லுநர்களைக் கொண்டு நடத்தப்பட உள்ளன.
இதில், முந்தைய தேர்வுகளின் மாதிரி வினாத்தாள்கள், பாடக் குறிப்புகள் வழங்கப்படும். மேலும், வாரம் ஒருமுறை தேர்வு, மாதிரித் தேர்வுகளும் நடத்தப்பட உள்ளன. இதில், சேர விரும்பும் இளைஞர்கள் மாவட்ட வேலைவாய்ப்பு அலுவலகத்தை நேரில் அணுகி விண்ணப்பிக்கலாம்.
இவ்வாறு அந்த அறிவிப்பில் அறிவிக்கப்பட்டுள்ளது.
English Summary: `Free Coaching classes for Group 2 Exams, Tamilnadu government