சூப்பர் ஸ்டார் ரஜினிகாந்த், ராதிகா ஆப்தே, தினேஷ், கலையரசன், தன்ஷிகா உள்ளிட்ட பலர் நடித்த ‘கபாலி’ படம் வரும் ஜூலை 15ஆம் தேதி ரிலீஸ் ஆகும் என எதிர்பார்க்கப்படுகிறது. தற்போது அமெரிக்காவில் குடும்பத்துடன் ஓய்வு எடுத்து கொண்டிருக்கும் ரஜினி, சென்னை திரும்பியவுடன் இந்த படத்தின் அதிகாரபூர்வ ரிலீஸ் தேதி அறிவிக்கப்படவுள்ளது.
இந்நிலையில் இந்த படத்தின் இயக்குனர் அடுத்ததாக சூர்யா நடிக்கவிருக்கும் படத்தை இயக்கவிருப்பதாக அறிவித்துள்ளார். நேற்று ஐதராபாத் நகரில் ‘கபாலி’ படத்தின் தெலுங்குப் பதிப்பின் இசை வெளியீட்டு விழா நடைபெற்றது. இதில் படக்குழுவினர் கலந்து கொண்டார்கள். அந்நிகழ்ச்சியில் பேசிய இயக்குநர் ரஞ்சித், “‘கபாலி’ படத்தைத் தொடர்ந்து சூர்யா நடிக்கும் படத்தை இயக்க இருக்கிறேன்” என்று தெரிவித்திருக்கிறார்.
சூர்யா – ரஞ்சித் படம் குறித்து விசாரித்தபோது, “‘கபாலி’ படத்துக்கு முன்பே, சூர்யாவைத் தான் இயக்கவிருந்தார் ரஞ்சித். அப்படத்தை ஸ்டூடியோ க்ரீன் நிறுவனம் தயாரிக்க இருந்தது. இதனிடையே ரஜினி படம் ஒப்பந்தமான உடன், அனைவரிடம் பேசிவிட்டு தான் ‘கபாலி’யை இயக்கச் சென்றார்.
சூர்யா படத்துக்கான கதை மற்றும் திரைக்கதை உள்ளிட்ட பணிகளை முடித்து வைத்திருக்கிறார் ரஞ்சித். ‘சிங்கம் 3′ பணிகளை முடித்து சூர்யா திரும்பியவுடன், இப்படம் தொடங்கப்படும்” என்று தெரிவித்தார்கள்.
English Summary :’Kabali’ Ranjith’s next hero Surya