அமெரிக்காவின் புகழ்ப்பெற்ற மோர்ஹவுஸ் (ஜார்ஜியா ) கல்லூரியில் நேற்று பட்டமளிப்பு விழா நடைபெற்றது. இந்த பட்டமளிப் விழாவில் அமெரிக்காவைச் சேர்ந்த தொழிலதிபர் ராபர்ட் ஸ்மித் கலந்துக் கொண்டார். விழா மேடையில் உரையாற்றியபோது ஸ்மித் கூறுகையில், ‘இங்கு இருக்கும் 400 பட்டம் பெற்ற மாணவர்களின் கல்வி கடன்களில் மொத்த தொகையை நான் செலுத்துகிறேன்’ என கூறினார். கல்வி கடனின் மொத்த மதிப்பு 40 மில்லியன் டாலர் (இந்திய மதிப்பில் சுமார் ரூ.278 கோடி) ஆகும். ஏற்கனவே ஸ்மித், இந்த ஆண்டின் தொடக்கத்தில் இந்த கல்லூரிக்கு 1.5 மில்லியன் டாலர் (இந்திய மதிப்பில் சுமார் ரூ.10 கோடி) உதவித்தொகையாக அறிவித்தார்.
இதனை அறிவித்த அடுத்த நொடி அரங்கமே அதிர பெற்றோரும், மாணவர்களும் கைதட்டி ஆரவாரம்செய்து மகிழ்ச்சியை வெளிப்படுத்தினர் .
இந்த பரிசு கல்லூரி வரலாற்றிலேயே ஒரு மிகச் சிறந்த நிகழ்வாகும். இதற்காக தொழிலதிபர் ராபர்ட் ஸ்மித் அவர்களுக்கு எங்கள் கல்லூரியின் சார்பில் மனமார்ந்த நன்றியை தெரிவித்துக் கொள்கிறோம்’ என கல்லூரியின் செய்தித்தொடர்பாளர் கூறினார்.