தமிழகத்தில் காலாண்டு தேர்வு விடுமுறை முடிந்து பள்ளிகள் இன்று (10.10.2022) முதல் மீண்டும் திறக்கப்பட்டுள்ளன. அதன் படி, 6 முதல் 12-ம் வகுப்பு வரை பயிலும் மாணவர்களுக்கு இன்று வகுப்புகள் மீண்டும் தொடங்கப்பட்டுள்ளன. 1 முதல் 5-ம் வகுப்பு வரை பயிலும் மாணவர்களுக்கு அக்.13-ம் தேதி பள்ளிகள் திறக்கப்பட உள்ளன.
பள்ளிகள் திறப்பின் முதல் நாளில் மாணவர்களுக்கு காலாண்டு தேர்வு திருத்தப்பட்ட விடைத்தாள்களை வழங்கி, அவர்கள் மதிப்பெண் குறைந்த பாடங்களில் கூடுதல் கவனம் செலுத்த நடவடிக்கை எடுக்க வேண்டும் என அந்தந்த பள்ளி தலைமை ஆசிரியர்களுக்கு பள்ளிக்கல்வித்துறை அறிவுறுத்தியுள்ளது.