டி.என்.பி.எஸ்.சி. குரூப்-2 பிரிவில் ஒருங்கிணைந்த குடிமை பணிகளுள் தொகுதி 11-அ பதவிகளுக்கு விண்ணப்பித்த விண்ணப்பதாரர்களுக்கு வரும் 24ஆம் தேதி எழுத்துத்தேர்வு நடைபெறவுள்ளது. இவர்களுக்கு தமிழ்நாடு அரசுப்பணியாளர் தேர்வாணையத்தின் இணையதளத்தில் வெளியிடப்பட்டுள்ளதாக அறிவிக்கப்பட்டுள்ளது. இதுகுறித்து தமிழ்நாடு அரசுப்பணியாளர் தேர்வாணையத்தின் தேர்வுக்கட்டுப்பாடு அலுவலர் ஷோபனா நேற்று வெளியிட்டுள்ள செய்திக்குறிப்பு ஒன்றில் கூறப்பட்டுள்ளதாவது:-
தமிழ்நாடு அரசுப்பணியாளர் தேர்வாணையம் (டி.என்.பி.எஸ்.சி.) வருகிற 24-1-2016 அன்று முற்பகல், ஒருங்கிணைந்த குடிமை பணிகளுள் தொகுதி 11-அ (நேர்காணல் அல்லாத பதவிகள்)-ல் அடங்கிய 1,947 காலிப்பணியிடங்களுக்கான எழுத்துத்தேர்வினை நடத்தவுள்ளது. இத்தேர்வுக்கென 8.50 லட்சத்திற்கும் மேற்பட்ட விண்ணப்பங்கள் பெறப்பட்டுள்ளன. சரியான முறையில் விவரங்களைப் பதிவு செய்து, உரிய விண்ணப்பக்கட்டணம் மற்றும் தேர்வுக்கட்டணம் செலுத்திய விண்ணப்பதாரர்களுக்கு தேர்வுக்கூட நுழைவுச்சீட்டு தமிழ்நாடு அரசுப்பணியாளர் தேர்வாணையத்தின் இணையதளத்தில் வெளியிடப்பட்டுள்ளது.
மேற்படி பதவிக்கு விண்ணப்பித்த விண்ணப்பதாரர்கள் தங்களது பதிவு எண்ணை டி.என்.பி.எஸ்.சி. இணைதளத்தில் உள்ளீடு செய்து, நுழைவுச்சீட்டினை பதிவிறக்கம் செய்து கொள்ளலாம். நுழைவுச்சீட்டு கிடைக்கப்பெறாத விண்ணப்பதாரர்கள், தங்களது விண்ணப்பம் நிராகரிக்கப்பட்டுள்ளதா? என்பதை நிராகரிப்பு பட்டியலில் கண்டறியுமாறு கேட்டுக்கொள்ளப்படுகிறார்கள்.
நிராகரிப்பு பட்டியலில் இடம்பெறாத, சரியான முறையில் விண்ணப்பங்களைப் பதிவு செய்து, உரிய விண்ணப்பக்கட்டணம் செலுத்தியும் நுழைவுச்சீட்டு கிடைக்கப்பெறாத, தகுதியான விண்ணப்பதாரர்கள், தாங்கள் பணம் செலுத்தியதற்கான செலுத்துச்சீட்டின் நகலுடன் கீழ்கண்ட விவரங்களை தேர்வாணையத்தின் மின்னஞ்சல் முகவரியில் 19-1-2016 தேதிக்குள் அனுப்புமாறு கேட்டுக்கொள்ளப்படுகிறார்கள்.
இவ்வாறு அந்த செய்திக்குறிப்பில் அவர் கூறியுள்ளார்.
English summary: Hall Tickets can be downloaded in Internet for Group 2 TNPSC Exams.