கடந்த ஆண்டு ஜூன் மாதம் நடைபெற்ற குரூப்-1 தேர்வு முடிவுகள் தற்போது வெளியாகியுள்ளது.
தமிழ்நாடு அரசு பணியாளர் தேர்வாணையம் (டி.என்.பி.எஸ்.சி.) சார்பில் 79 பணியிடங்களுக்கான குரூப்-1 முதன்மை எழுத்துத் தேர்வு நடத்தப்பட்டு ஒரு வருடம் முடிவடைந்த நிலையில் இந்த தேர்வின் முடிவுகள் தேர்தல் உள்பட பல்வேறு காரணங்களால் வெளியிடப்படாமல் இருந்தது.
இந்நிலையில், டி.எஸ்.பி.எஸ்.சி. குரூப்-1 முதன்மை எழுத்துத்தேர்வு முடிவுகள் தற்போது வெளியிடப்பட்டன. இந்த தேர்வில் 164 பேர் சான்றிதழ் சரிபார்ப்புக்கு தேர்ச்சி பெற்றுள்ளனர். இவர்களுக்கு ஜூலை மாதம் 4 மற்றும் 5 ஆகிய நாட்களில் சான்றிதழ் சரிபார்ப்பு நடைபெறுகிறது.
தேர்ச்சி பெற்ற 164 பேரும் ஆன்லைன் விண்ணப்பங்களில் குறிப்பிட்ட தகுதிகளை நிரூபிக்கும் ஒரிஜினல் சான்றிதழ்களுடன் சென்னை பார்க் டவுன், பிரேசர் பாலச் சாலையில் உள்ள தமிழ்நாடு அரசுப் பணியாளர் தேர்வாணைய அலுவலகத்திற்கு நேரில் வந்து சான்றிதழ் சரிபார்ப்பில் கலந்துகொள்ளும்படி கேட்டுக்கொள்ளப்பட்டுள்ளது.
சான்றிதழ் சரிபார்ப்பு பணி நடைபெறும் நாள் மற்றும் நேரம் தொடர்பாக தேர்ச்சி பெற்றவர்களுக்கு தனித்தனியாக தகவல் அனுப்பப்படும் என்றும் தெரிவிக்கப்பட்டுள்ளது
English Summary: 164 People Passed in Group-1. The certificate verifying the date announcement.